Wednesday, July 12, 2006

Bali - Pictures Umpat a Thousand Words

Orang bilang 'pictures tell a thousand words/actions' but kebanyakkan ni pictures semua dalam adegan posing-posing, anyway saja bah ni mau taruh as entry abis lama suda ni pictures blog inda terupdate.

cantik kan ni kalung manik ... sia suka butul!

ini la cara tu kadai makan kasi tayang makanan diurang ... lebi kurang cam tu jual sasau fun di kiki.

sunset di Uluwatu .. ratusan pelancung mau tgk, dua kali suda sia pi sini, cuma kali ni inda terlambat, padahal di tg. aru pun ada sunset, hehe.

berabis sia pujuk/tawar tu gelang silver ... tapi kalah juga .. gonsingot butul!!

monument ingatan tempat kena bom yang mula-mula dulu ... kesian nampak tu list of names yang terkorban, cam sia ternangis juga .... 200+ semuanya kebanyakan youth mat salleh.

pi saja beach Kuta memang kena kuruyuk tukang urut kaki, bahu, tattoo, tukang tocang rambut, entah berapa juta kali sia jawab .. enggak minat dong!

cara balinese susun buah-buahan diurang di pasar Bedugul, style kunun bah kan - kalu jatuh sia pertama memungut!

kalu la sia pandai surfing .. di laut suda satu ari .. nasip inda jadi duduk di pasir jak la bihis-bihis tgk diurang.

ini lunch kami di Poppies Restaurant .. restoran di taman bunga tapi byk shade kama dan banyak serangga jln-jln, tapi siok! kami ingat makanan dia ada poppies (dadah) .. mau juga kaka high!

di kawasan tanah tinggi Bedugul, di nurseri okid, sampat lagi pi ambil gambar!

ini pic tahun lalu, singaja taruh sini abis sia kurus dulu .. sekarang miagal poh wogok!

ini di tasik Bratan, mo bayar ni pigang binatang - ada ular, burung antu, kelawar, ada 3-4 binatang lagi, sia lupa suda - semua ada di kiki juga bah!

tasik bratan temple, inda buli buat bising sama buang kertas disini, tapi monigup juga tu org tua di belakang sia .. gudang garam lagi tuh.

kadai sia barabis bili kalung berpuluh-puluh byknya .. byk diskaun sia dpt belum campur lagi yang free sia pandai2 kasi masuk plastik, wakakaka.